AF287b: 66r

der beyān‑i menāzil‑i qamer
Al‑ḥamdu li‑llāhi wa‑ṣ‑ṣalātu ʿalā nabiyyi Muḥammadin wa‑ālihi aǧmaʿīna ammā baʿdehū müneccimūn sāline her yıl on iki ay // ve her ay yigirmi sekiz menzile taqsīm ėdüp her menzile bir ad vėrmişlerdür ve her menzilde qamer gėcesiyle // bir gün durur andan seyr ėderek bir daḫı menzile varur dāyim bir ūslūb [!] üzre // menāzil‑i felegi seyr ėdüb gezer bes her menzil on iki derecedür ve elli iki daqīqa olur // ve her menzilüñ ve bir heyʾeti vardur ḫurūf‑i [!]teḥeccī üzerine kim elif bādur tā yāya varınca // yigirmi sekiz ḥarfdür her ḫarf [!] bir menāzile müteʿalliqdür tā kim insāf derd‑mend ne zamānda ne işe // mübāşeret ėdüb ve neden ictināb ėtmek gerekdür ve esmāʾ‑i Allāhdan ve āyāt‑i kelām‑i qadīmden her // birine maḥṣūṣ [!] āyāt ve esmā vardur ki bir kimesne bir işe meşġūl olıçaq menāzil‑i qameri // gözden qanġı menzile varduqda ne işe meşġūl ola ve neden iḥtirāz ėden // idi bilmek isterseñ qamer ne vaqtde qanġı būrca [!] gelür ve qanġı menzilde olur güneş // ne būrcdadur [!] yuqaru Rūz‑nāmede Rūmī aylarınuñ qaçıncı güninde güneş her būrca [!] // ki taḥvīl ėder beyān olınmışdur oraya naẓar ėdesiz ve qanġı būrcda [!] idügin bilesiz // ki andan ṣoñra aylarki * Muḥarrem * Ṣafer * Rebīʿü l‑evvel * Rebīʿü l‑āḫir // Cemāẕīyü l‑evvel * Cemāẕīyü l‑āḫir * Receb * Şaʿbān * Ramaẓān // Şevvāl * Ẕī l‑qaʿde * Ẕī l‑ḥicce bunların qaçıncı güni idügin bilesin bir // ol miqdār ʿaded daḥı [!] żamm eyleyesin andan ṣoñra beş ʿaded daḥı [!] ziyāde eyleyesin // her ne miqdār olursa cümle ėdüb ve güneş durdıġı būrcdan [!] alursa bir/her [?] // būrca [!] beş taqsīm eyleyesin eger beşden bir veyā iki veyā üç qalursa anı daḫı tamām beş // ḥāneye [!] dutup qanġı būrcda [!] dökinürse qamer ol būrcdadur [!] bilesin bu‑vech‑ile ʿamel qılasın